5.Jesuh minungtling si a herhnak.(why was
Jesus’ Full Humanity Necessary)

BIBLE DOCTRINE

Rev. Pa Hrang Hmung

29 May 2022

a. Ai awh nawlngaih nak.(For Representative Obedience)

Mipa pakhat nawlngaih lo ruangah mi tampi kha misual i ser an si bantukin mipa pakhat
nawlngaih ruangah mi tampi cu miding ah ser an si lai.(Rom 5:18-19)

b. Aiawh raithawi nak (Tobe SubSubtitute Sacrifice)

Hebru ca uk nih “Cun ngakchia tiah a timi hna cu, thi le sa in a nungmi minung an si bantukin, Jesuh
zong cu anmah bantuk ah a run i cang i an sining kha aa hrawm ve. Cu bantukin a si cu, thihnak cung i
nawl a ngeitu Khuachia kha, a thihnak thawng cun a hrawh nakhnga le thihnak an tih ruang i an nun chung vialte sal bantukin khua a sami hna kha a luatter hna nakhnga caah a si. ….Cucaah zeizong kip ah a unauhna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.”(Hebru 2:14-17)

c. Pathian le minung karlak ah pehtlaihnak(To be the one Mediator Between God and men.)

Pathian cu pakhat lawng a si i Pathian le minung kar ah remnak sertu cu minung Khrih Jesuh lawng a si, amah cu mi vialte tlanhnak caah a lu aa pemi a si. (1 Timote 2:5)

Pathian he a kan then tu hi kan sualnak a si.Pathian he i rem than nak hnga ca ah cun pakhatkhat nih kan sual leiba a kan cham piak a herh.kan ca ah thawngtha cu Jesuh nih kan sual leiba pakhat hmanh tang lo in a kan cham piak dih. Kan leiba tialnak ca cu a chung i a ummi upadi vialte hna he khan a hrawh dih cang i vailamtahnak cung i a khenhchihnak thawng khan kanmah dawntu si ti lo dingin a hlonh.(kolose 2:14) Ahohmanh nih zumhnak loin Pathian lung ton khawh a si lo;( with out faith it is imposible to please God(Heb 11:6)Hi ka zawn i zumhnak a ti mi hi khamh kan si nak hnga zumh nak a si.Jesuh nih sualnak chung in a kan khamh nak zumhnak kha a chim duh mi a si.Pathian he kan i rem than khawh nak hnga ca ah cun Pathian sin ah direck thil tha tuah nak in member si nak,ziathat nak,pek chanh nak kan tuah mi hna hin Pathian a peh tlaih nak kan ngei kho hrim hrim lo .Kan i pehtlai khawh nak hnga cu Jesuh karlak riantuan nak thawng lawng in a si.Jesuh sin lawng in Pathian lungton khawh a si.zei ca ah tiah khamh nak cu tuah nak thawng in si lo in zangfahnak(Grace) thawng in a si.Cu Grace cu Jesuh khamh nak a ser mi lawng in co khawh mi kha si.Jesuh nih Pa sunparnak cu Fapa thawngin a langh khawh nakhnga, ka min in nan halmi paoh cu kan tuahpiak hna lai.(Johan 14:13)

d. Kokek Pathiantinh cia a si mi , sermi thil vialte cungah minung nawlngeitu a si nak tlamtling ter ding ah.

*Cu ca ah Jesuh nih Vancung le vawlei cung i a um mi nawlngeih nak vialte cu pek ka si
cang.(Mathai 28:17)Minung hi sermi thil vialte cung ah nawl ngei tu kan si than khawh nak
hnga Jesuh minung ah a hungcan a herh. Thluachuahnak a pek hna i, “Tefa tampi in ngei u law nan tefa cu vawlei cung khuazakip ah khat hna seh, cun annih nih vawlei cu uk hna seh. Nannih cu nga cung le
va cung le ramlak saram a hme he a ngan he an dihlak cung i nawlngeihnak kan pek hna,” a ti. (Genesis 1:28)

1.Mithi kha nawl a pek.(Johan 11:43)

2. Satan va kal cang(Away from me Satan)(Matthai 4:10,Mark 8:33)

3.Khuachia a thawl(Luke 11:14)

4.Theipi kung chiat a serh(Matt 21:18)

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei
nih hin harnak an pek hna lai, sihmanhsehlaw tih hlah u. Vawlei cu ka tei cang,” tiah a ti.(Johan 16:33)

A zawmi kha va damter hna u, mithi kha va thawhter hna u, thinghmui kha va thianter hna
u, khuachia kha va thawl hna u. Nannih nih man pek loin nan hmuh i man pek loin va pe
ve hna u.((Matthai 10:8) Jesuh nih lamkaltu hna kha khuavang thawlkhawh nak nan ngei lai tiah a ti hna.(Mark 3:15)

>Paul zong khua chia a thawl ve.(lamkal 19:12)

>Peter le Johan nih mizeng an dam ter.(Lamkal 3:1-10)

e. A nun zohchunh in kan nun khawh nakhnga.

Pathian chung ah ka um(abides in Him) a ti mi paoh nih cun Jesuh khrih bantuk in(walk) kan um awk a si.(1 John 2:6 ,Johan 15:1)

Kan mah cu a mah lo chin leng mang in thlen kan si.(2 Kor 3:18) Pathian khamh nak nih a tinh bik mi cu “Pathian nih a thim ciami hna cu a Fapa bantuk kha an si naklai, a dang tein a thleidan hna”(Rom 8:29) Nunnak thar.(1 Peter 1:3) Zumtu hna nih hin kan hmai ah a kan chiahpiak mi zohchunh in hmai ah kan tlik awk a si. “Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um.”(Rom 12:2) kan nun a kan hruaitu ding kan kawltung cu nifa kan nun nak ah Jesuh bantuk nun kha a si awk a si.a mah bochan nak he dawt nak,ngaihthiam nak nun a ngeih mi hna kha kan cawn khawh nak hnga ca ah a si.

f .Kantakpum khamhhrawm kan si nak hnga.

Jesuh thawhthan a si hnu ah a ngeih mi pumthar bantuk in kan nih zong thawhthan pum zong a si
ve lai.zei ca ah tiah Jesuh cu “theitlai hmasa bik”(First fruits) a si.(1 Kor 15:23)Theitlai hmasa nih a
langhter mi cu theitlai dang zong theitlai hmasa bantuk an si ve lai ti langhter tu a si.Adam ban tuka
thi khomi pum ngei ko hmanh u si law Jesuh bantuk pum in kan i thleng lai ti nak a si.khrih cu
minung bantuk in faterthih nak in thawh ter hmasa bik mi kha a si.(Kolos 1:18)

Paul nih a kan fianter ning ah cun Jesuh cu a thawhthan tik ah takpumthar he a tho,cu takpum thar
cu “Pum cu vui a si tikah a thi khomi a si; thawhter a si tikah cun a thi kho ti lomi a si lai. 43Vui a
si tikah a mui a chiami le a dermi a si, thawhter a si tikah aa dawhmi le a thawngmi a si lai. 44Vui
tikah vawlei pum a si, thawhter tikah thlarau pum a si lai. ”(1 kor 15:42-44)