WACCC Khrihfabu Kong

WACCC Khrihfabu tuanbia kan ruah caan paoh ah Pathian min kan thangṭhat. Hi Khrihfabu hi WACCF (Western Australia Chin Christian Fellowship) tiah min bunh in 2001 September 16 ni ah rak thawkmi a si. 2011 January 26 ni General Meṭing biakhiahnak thawk in Western Australia Chin Christian Church tiah a min hi thlen a si. Khrihfabu hi a hramthawk ah cun chungtel pawl umnak inn ah zarh khat hnu zarh khat in ṭhial i pumhnak rak tuah a si nain Girrawheen Baptist Khrihfabu zawnruahnak in 2005 August thla in Girrawheen Baptist Church (cung dot) ah Biakinnn pumhnak cu rak thawk a si.  

Hi Khrihfabu hi Baptist Union of Western Australia ah chungtel pakhat a si lengah Chin Association for Christian Communication (CACC) ah chungtel a si fawn. Chungtel hi a hramthawk ah mi tlawmte an rak si nain nihin 2014 ah cun a chuak ka ngakchia he fonhchih in chungtel 500 leng kan si cang. Hi Khrihfabu ah minung kan hun tam deuh tikah holh ruangah siseh, zumhnak ruangah siseh, mah duhning le zalong deuh in Pathian thangṭhat duh ruangah Khrihfabu (6): Nazareth Church, WA Matu Christian Church, Zotung Christian Church, Chin Emmanuel Church, Mara Evangelical Church of WA le Perth Chin Baptist Church hna cu WACCC thluachuah peknak he inn dang an chuak.   Hi Khrihfabu nih hin website ngeih sisehlaw media lei rianṭuannak hi thawk cang siseh tiah Council Meeṭing biakhiahnak ngeih a si caah Media group ser in hi rian hi hun thawk a si.

WACCC