1. Western Australia Chin Christian Church
  2. Blog
  3. Bible Study
  4. Rev.Pa Hrang Hmung
  5. BIBLE DOCTRINE
    (SYSTEMATIC THEOLOGY)

BIBLE DOCTRINE<br>(SYSTEMATIC THEOLOGY)

BIBLE DOCTRINE
(SYSTEMATIC THEOLOGY)

Posted on January 6, 2022 Posted By: WACCC Categories: Bible Study, Rev.Pa Hrang Hmung
bible-book

BIBLE DOCTRINE

Rev. Pa Hrang Hmung

  • Doctrine Sullam: Zumhnak lei kong cawnpiak nak.
  • Bible Doctrine: Essential teachings of the Chrisitan Faith.Khrifa zumhnak ah a herh ngai ngai( abiapi) mi cawn nak.
  • Cu cawn nak cu (Systematic Theology):Ningcang te in Pathian kong cawnnak tiah an auh.

NINGCANG TE IN BAIBALCAWNNAK 10
(10 Bible Doctrine )

  1. Pathian bia cawnnak ( The doctrine of the word of God)
  2. Pathian kong cawnnak ( The doctrine of God)
  3. Jesuhkhrih kong cawnnak ( The doctrine of Christ)
  4. Thiangtharau kong cawnnak (The doctrine of The Holy Spirit)
  5. Minung kong cawnnak (The doctrine of man)
  6. Khamhnak kong cawnnak (The doctrine of salvation)
  7. Khrihfabu kong cawnnak (The doctrine of Church)
  8. Vancung mi kong cawnnak (The doctrine of Angles)
  9. Setan kong cawnnak ( The doctrine of Satan)
  10. Hmailei kong cawnnak (The doctrine of future ( last thing)

ZEIRUANG AH DAH CAWN KAN HERH.

Melkhizedek kongah hin chim awk tampi kan ngei ko, sihmanhsehlaw a hngalh nan i harh tuk caah nan sin i fianter cu a har ko. Nannih cu saya hmanh si awk nan si cang nain, Pathian bia cawnnak hmasa bik chimtu saya kha nan herh rih. Rawl taktak ei kha nan cu cang, sihmanhsehlaw cawhnuk theo nan ding ko rih. Caw hnuk theo aa rinh ko rihmi cu ngakchia an si ko rih i ahmaan le ahmaan lo kongah hngalhnak a ngei rih lomi an si. Sihmanhsehlaw rawl taktak cu upa nih khan an ei khawh; annih cu chia le tha thleidan
khawhnak a ngei cangmi an si.(Hebru 5:11) Cathiang hi a dihlak in Pathian thaw chuahhnawhmi a si i biatak cawnpiaknak caah le palhnak cawnpiaknak alnak caah le palhmi remhnak caah le ding tein nunnak ding cawnpiaknak caah a thahnemmi a si.(2 Timote 3:16)

  1. Biatak cawnpiaknak
  2. Palhnak cawnpiaknak
  3. Alnak
  4. Palhmi remhnak
  5. Dingte in nunnak ding cawnpiaknak

Theihnak tlawm hi ral a si.(Little knowlge is dangerous)

  • Chimhhrinnak a um lo caah a thi i a hruhnak a ngan caah a tlau.(Phungthlukbia 5:23)
  • Hngalhnak um tung lo duhnak lawng hi a tha lo,Namhnaw in a kalmi nih a lam kha a thlau
    tawn.Minung cu a hruhnak nih khan rawhnak ah a phakter i Cu tikah BAWIPA cungah khan
    a lung chungin a thin a hung.(Phungthlukbia 19:2-3)
  • Jesuh nih Nikodimu cun a thawh i, “Nang cu Israel mi cawnpiaktu saya ngan na si i hi
    hmanh na hngal lo maw? (Johan 3:10) Hi vawlei cung thil kong ka chim hmanh ah nan ka
    zumh lo ahcun zeitindah vancung thil kong ka chim tikah nan ka zumh khawh kun lai?(12)
  • Paul hi kan zoh ah cun cawnnak sang taktak a ngei mi a si.Peter nak in a rianruan nak
    hmual a ngei deuh in a lang deuh.A ruang cu Cawnnak pahnih a ngei mi a si.Thiamcawn
    nak a tlinh bantuk in Jesuh thlarau cawnnak ah a tlinh rih fawn.Cu ca ah mi cawnpiak tik
    ah hmual a ngeih khun nak hi a si.

JESUH KONG CAWNAK(THE DOCTRINE OF CHRIST)

Jesuh kong cawnnak(Christology) cu Jesuh khrih sining le a cawnpiaknak ah a telmi Pathian kong cawnnak pakhat a si .Pathian minung ah a cannak,thawhthannak le minung sinak le Pathian a si nak an i pehtlaih nak hna an si.

A.The Person of Christ.(Jesuh si nak a ngeihmi)

  • Jesuh Minung a si nak(The Humanity of Christ)
  • Jesuh Pathian a si nak(The Deity of Christ)

B.Khrih riantuannak(The work of Christ)

  • Remnak(The Atonement)
  • Thawhthan nak le Van ah a kai nak(resurrection and Ascension)

C. The Offices of Christ

  • Prophet
  • Tlangbawi(Priest)
  • Siangpahrang( The King)

Jesuh sinak a ngeih mi(The person of Christ)

  1. Jesuh cu Pathian si nak (Deity of Christ)minung sinak(humanity of Christ )a ngei mi a si.Hi pahnih a ngeih nak nih hin khamhnak rian a sining te in a lim khawh nak a si.
  • Khamhnak cu Pathian sin lawng in a rat awk a si.
    • Pathian nih Genesis 3:15 “Nangmah le nu cu nan i hua lai,a tefa le na tefa cu ral an si lai.Mi nihna lu kha rial an in zuam lai i nang nih an kedil kha cuk naa zuam ve lai,” a ti bantuk in Setanriantuan nak kha a dihlak hrawh ding in minung zuamnak thawng in silo in a mah Pathian thawn nak hmang in a tlinter.Ngaknu thiang hrin nak nih kan i palh lo nak hnga ralring a kan pek mi cu khamh nak hi zeitik hmanh ah minung zuamnak thawng in si lo in a mah Pathian lei riantuan nak a si ti kha a si. Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um, cucu Nawlbia tang i a ummi hna kha luatter awk le kannih kha Pathian fa i canter awk caah a si. (Galati 4:4-5)
, ,